Caktohet gjyqtari i finales së Ligës së Kampionëve

16:39 | 14 Maj 2019
Arbresh Info

Damir Skomina i Sllovenisë do të jetë gjyqtari i finales angleze në Ligë të Kampionëve mes Tottenhamit dhe Liverpoolit.

42-vjeçari ishte gjyqtari që i dha Manchester United penaltinë gjatë sekondave të fundit në fitoren me përmbysje ndaj Paris Saint Germainit në muajin mars, transmeton portali arbresh.info.

Finalja e Ligës së Kampionëve do të zhvillohet në Madrid në stadiumin Metropolitano të shtunën më 1 qershor duke filluar nga ora 20:00.

Damir Skomina

Ai do të asistohet në finale nga bashkëkombësit e tij Jure Praprotinik dhe Robert Vukani. Gjyqtari i katërt do të jetë Antonio Mateu Lahoz nga Spanja.

Në rolin e gjyqtarit te teknologjia me video asistencë do të jetë Danny Makkelie nga Holanda, i cili do të mbështetet nga Pol van Boekel, plus zyrtarët gjerman Felix Zwayer dhe Mark Borsch.

Gjyqtari italian Gianluca Rocchi do të marr detyrën në finalen e Evropa Ligës mes Chelseas dhe Arsenalit në Baku më 29 maj./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm